منی لانڈرنگ کیس : نیب لاہور نے ملزم راشد کرامت کو گرفتار کرلیا

لاہور (نیوزرپورٹر)نیب لاہور نے منی لانڈرنگ کے الزام میں راشد کرامت کو گرفتار کرلیا۔نیب لاہور کے ذرائع کے مطابق ملزم راشد کرامت 2007 سے حمزہ شہباز شریف کا ملازم تھا، ملزم کے بنک اکاؤنٹ میں 45 کروڑ روپے کی ٹرانزیکشن ہوئی۔نیب حکام نے گزشتہ روز جسمانی ریمانڈ کے لیے ملزم راشد کرامت کو احتساب عدالت لاہور میں پیش کر دیا۔ احتساب عدالت نے ملزم راشد کرامت کو 14 روزہ جسمانی ریمانڈ پر نیب کے حوالے کر دیا۔