آپ آف لائن ہیں
پیر10؍صفر المظفّر 1442ھ 28؍ستمبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

صحافیوں کے حقوق پر سودے بازی نہیں کی جائیگی،کیو یو جے

کوئٹہ(پ ر)کوئٹہ یونین آف جرنلسٹس کا اجلاس گزشتہ روز صدر امین اللہ خان مشوانی کی زیر صدارت ہوا جس میں جنرل سیکرٹری یاسر خان سابق صدر ہزار خان جعفر خان ترین یوسف حسن یوسفی بلوچ عصمت اللہ ثاقب عزیزجمال ترکئی و دیگر نے شرکت کی۔ اجلاس سے خطاب کرتے ہوئےمقررین نے کہا کہ صحافیوں کے مسائل کے حل کیلئے بھرپور آواز اٹھائی جائیگی۔ حال ہی میںبڑی تعداد میں صحافیوں کو نوکریوں سے برطرف کر دیا گیا ۔ اس ضمن میں مرکز ی تنظیم پی ایف یو جے سے بھی بات چیت کی جائیگی انہوں نے کہا کہ صحافیوں کے حقوق پر کوئی سودے بازی نہیں کی جائیگی اور بلا جواز صحافیوں کو بے روزگار کرنےاور تنخواہوں کی بندش کی بھی اجازت نہیں دی جاسکتی ۔ دوسری جانب صحافیوں کی اکثریت جاب سیکورٹی کے بغیر کام کررہی ہے۔ اکثر اخبارات کے اشتہارات کی بندش کے باعث کارکن تنخواہوں سے محروم ہیں حکومت فوری طور پر تمام اخبارات کو میرٹ کی بنیاد پر اشتہارات جاری کرے ۔اجلاس میں فیصلہ کیا گیا کہ صحافیوں کو درپیش مسائل کے حل کیلئے حکومتی ارکان اوردیگر حکام سے ملاقاتیں کی جائینگی۔ بعد ازاں اجلاس کے شرکا ء کو سابق صدر ہزار خان کی جانب سے ظہرانہ دیا گیا۔ 

کوئٹہ سے مزید