فرمان الہی
نماز کے اوقات
ابوظبی کے ولی عہد شیخ محمد بن زید النہیان ایک روزہ سرکاری دورے پر پاکستان پہنچ گئے۔
وزیراعظم عمران خان نے ابوظبی کے ولی عہد محمد بن زیدالنہیان کا استقبال کیا جہاں روایتی لباس پہنے 2 بچوں نے مہمان خصوصی کو گلدستے پیش کیے۔
وزیراعظم نے معزز مہمان کی گاڑی بھی خود ڈرائیو کی۔
ابوظبی کے ولی عہد وزیراعظم عمران خان سے ون آن ون ملاقات کریں گے، ملاقات میں علاقائی اور عالمی صورت حال اور دو طرفہ تعلقات کے فروغ پر بات ہوگی۔
واضح رہے کہ ابوظبی کے ولی عہد کا دورہ ہنگامی ہے اور انتہائی اہم نوعیت کا ہے، یہ دورہ کوالالمپور سمٹ میں شرکت نہ کرنے کے تناظر میں انتہائی اہمیت اختیار کر گیا ہے۔
آرمی چیف جنرل قمر جاوید باجوہ کے متحدہ عرب امارات اور سعودی عرب کے وزیر خارجہ فیصل بن فرحان کے دورہ پاکستان کے بعد دونوں ممالک کے درمیان تعلقات میں اضافہ ہور ہا ہے۔
پاکستان کے کوالالمپور سمٹ میں عدم شرکت کی وجہ سے پاکستان، سعودی عرب اور متحدہ عرب امارات کے درمیان غلط فہمیاں دور ہوگئیں ہیں اور یہی وجہ ہے پاکستان کے عرب ممالک کے ساتھ بھی تعلقات میں مزید استحکام آرہا ہے۔
