آپ آف لائن ہیں
منگل6؍شعبان المعظم 1441ھ 31؍مارچ 2020ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

امیتابھ بچن کو ماں کیوں یاد آگئی؟


بالی ووڈ کے سینئر اداکار امیتابھ بچن کو آنکھ کی شکایت سے متعلق ڈاکٹر کی جانب سے بتائے گئے علاج پر اپنی والدہ کی یاد ستانے لگی۔

بھارتی ویب سائٹ’ این ڈی ٹی وی‘ کے مطابق امیتابھ بچن نے اپنی ماں کو یاد کرتے ہوئے سماجی رابطے کی ویب سائٹ ٹوئٹر پر ایک جذباتی ٹوئٹ کر دیا۔

انہوں نے ٹوئٹ میں کہا کہ ’وہ آنکھ میں تکلیف کے باعث ڈاکٹر کے پاس پہنچے تو ڈاکٹر نے کہا کہ یہ عمر کا تقاضا ہے جس پر انہیں اپنا بچپن اور ماں کا پیار یا د آ گیا ۔‘

امیتابھ نے مزید لکھا کہ’ انہیں ڈاکٹر نے علاج بتاتے ہوئےکہا ہے کہ جیسے بچپن میں ماں اپنے دوپٹے کے پلو کو گول بنا کر ، پھونک مار کر گرم کر کے آنکھ میں لگا دیتی تھی، ویسے ہی کرو، سب ٹھیک ہو جائے گا ۔‘

بالی ووڈ اسٹارنے خالص ہندی زبان کا استعمال کرتے ہوئے اپنی بیماری سے متعلق تفصیلات بتاتے ہوئے لکھا کہ ’بئی آنکھ پھڑکنے لگی ۔۔۔ بچپن میں سنا تھا کہ آنکھ کا پھڑکنا اَشُبھ ہوتا ہے۔۔۔ گئے دکھانے ڈاکٹر کو تو نکلا یہ ایک کالا دھبہ آنکھ کے اندر۔۔۔ ڈاکٹر بولا، کچھ نہیں عمر کی وجہ سے جو سفید حصہ آنکھ کا ہوتا ہے، وہ گھس گیا ہے۔۔۔ ویسے بچپن میں ماں اپنے پلّو کو گول بنا کر، پھونک مار کر، گرم کر کے آنکھ میں لگا دیتی تھی ویسے کرو، سب ٹھیک ہو جائے گا۔‘

77 سالہ امیتابھ کا مزید کہنا تھا کہ ’ماں تو نہیں رہی اب، بجلی سے رومال گرم کر کے لگا لیا ہے، پر بات کچھ بنی نہیں، ماں کا پَلّو، ماں کا پَلّو ہوتا ہے ۔‘

واضح رہے کہ امیتابھ بچن کی والدہ تیجی بچن کا 2007ء میں انتقال ہوا تھا جبکہ ان کے والد اور معروف شاعر ہری ونش رائے بچن نے 2003ء وفات پائی تھی۔

انٹرٹینمنٹ سے مزید
خاص رپورٹ سے مزید