ممتاز عالم دین مولانا سفیان قاسمی آج برمنگھم میں خطبہ جمعہ دیں گے

برمنگھم (آصف محمود براہٹلوی) آج جمعہ المبارک کے موقع پر جامعہ مسجد علی اہل سنت الجماعت برمنگھم میں ممتاز عالم دین حضرت مہتمم ادارہ دیوبند مولانا محمد سفیان سالم قاسمی خطبہ جمعہ دیں گے۔ پاکستان فورم کے چیئرمین اور عالم دین قاری تصور الحق مدنی کی دعوت پر مولانا محمد قاسم برطانیہ آئے ہیں، ان کے ہمراہ ڈاکٹر صاحبزادہ شکیب احمد، ڈاکٹر محمود چانڈیا بوسٹن ہوں گے۔ یاد رہے کہ مولانا سفیان سالم سابق مہتمم دارالعلوم دیوبند مولانا قاری محمد طیب قاسمی کے پوتے ہیں۔ اس موقع پر حافظ عدیل تصور ایڈووکیٹ، مولانا عمران الحق، مولانا محمد ارشد، ڈاکٹر آخرالزمان غوری نے مولانا محمد سفیان سالم کی برطانیہ آمد پر اتھا دل کی گہرائیوں سے خوش آمدید کہا ہے۔