• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سیہون زیادتی کیس، جج کا میڈیکل کل ہوگا

تازہ ترین
قومی خبریں
27 جنوری ، 2020


سیہون میں خاتون سے زیادتی کیس کے معاملے میں نامزد ملزم اور معطل سول جج کا پولیس کی تفتیشی ٹیم کے سامنے منگل کے روز پیش ہونے کا امکان ہے، پولیس حکام کے مطابق سول جج امتیاز بھٹو کا بیان قلمبند کرکے اُن کا میڈیکل ٹیسٹ کرایا جائے گا۔

پولیس حکام کے مطابق نامزد ملزم اور معطل سول جج منگل کے روز جامشورو میں تفتیشی پولیس ٹیم کے سامنے پیش ہوں گے، اس موقع پر سول جج امتیاز بھٹو کا بیان قلمبند کیا جائے گا اور لمس میں میڈیکل ٹیسٹ کرایا جائے گا۔


خاتون سے جج کی مبینہ زیادتی، تفتیش آگے نہیں بڑھ سکی

سہون میں پسند کی شاد ی کرنے والی خاتون سے جج کی...

ذرائع کے مطابق اس دوران کیس کے دوسرے ملزم نثار بروہی کا بھی لمس میں میڈیکل ٹیسٹ کرایا جائے گا، جس کے بعد دونوں ملزمان کے ٹیسٹ متاثرہ لڑکی کے اجزاء سے میچ کیے جائیں گے ۔

واضح رہے کہ متاثرہ لڑکی نے سول جج امتیاز بھٹو پر الزام لگایا تھا کہ جج نے 13 جنوری کو اپنے چیمبرمیں اُسے زیادتی کا نشانہ بنایا جس کے بعد 22 جنوری کو سیہون کے جوڈیشل مجسٹریٹ امتیاز بھٹو کے خلاف مقدمہ درج کیا گیا تھا ۔

مقدمے میں نامزد ملزم جوڈیشل مجسٹریٹ امتیاز بھٹو عبوری ضمانت پر ہیں ، جبکہ چیف جسٹس سندھ ہائیکورٹ احمد علی شیخ کے نوٹس پر جج امتیاز شیخ کو معطل کردیا گیا تھا ۔

تازہ ترین