• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ڈی آئی خان میں پولیس چیک پوسٹ پر دہشت گردوں کا حملہ

تازہ ترین
قومی خبریں
27 جنوری ، 2020

ڈی آئی خان میں پولیس چیک پوسٹ پر دہشت گردوں کا حملہ


ڈیرہ اسماعیل خان میں پولیس چیک پوسٹ پر دہشت گردوں نے حملہ کر دیا، پولیس کی جوابی فائرنگ سے حملہ آور فرار ہوگئے۔

ذرائع کے مطابق دہشت گردوں نے ڈیرہ اسماعیل خان میں تھانہ ٹاؤن کی پولیس چیک پوسٹ پر فائرنگ کی، راکٹ داغے اور ہینڈ گرنیڈز کے ساتھ حملہ کیا۔

پولیس کے مطابق 5سے 6 حملہ آور موٹر سائیکلوں پر سوار تھے جنہوں نے چیک پوسٹ پر 3 راکٹ فائر کیے اور 5 ہینڈ گرینڈ پھینکے جس میں سے تین ہینڈ گرینڈ پھٹے جبکہ دو نہ پھٹ سکے ۔

اس موقع پربم ڈسپوزل اسکواڈ کے انچارج عنایت اللہ ٹائیگر نے 2 دستی بم اور راکٹ کو ناکارہ بنا دیا۔

پولیس کی جانب سے علاقے میں سرچ آپریشن جاری ہے اس دوران دہشت گردوں کی طرف سے 5 کلو وزنی ریمورٹ آئی ای ڈی کو بھی ناکارہ بنادیا گیا، حملے میں کوئی جانی نقصان نہیں ہوا۔

تازہ ترین