شاہد آفریدی نے بیٹی کا نام رکھ دیا

قومی کرکٹ ٹیم کے سابق کپتان شاہد آفریدی نے اپنی نومولود بیٹی کا نام ’عروہ‘ رکھ دیا۔

دو روز قبل قومی کرکٹ ٹیم کے سابق کپتان شاہد آفریدی کے گھر 5 ویں بیٹی کی ولادت ہوئی تھی جس کی خبر اُنہوں نے اپنے مداحوں کو ٹوئٹر پر دی۔

بیٹی کی پیدائش کے بعد شاہد آفریدی نے آج اپنی بیٹی کا نام رکھ لیا ہے۔ سابق کپتان نے سماجی رابطے کی ویب سائٹ ٹوئٹر پر ٹوئٹ کرتے ہوئے لکھا کہ ’آپ سب نے میری بیٹی کے لیے جو نام تجویز کیے تھے میں نے وہ سب پڑھے ہیں آپ سب کا شکریہ۔‘

اُنہوں نے لکھا کہ ’اب سسپینس ختم ہوچُکا ہے اور میں نے اپنی بیٹی کا نام ’عروہ‘ رکھا ہے۔‘

سابق کپتان نے اپنے ٹوئٹ میں اُن چھ ٹوئٹر صارفین کو بھی مینشن کیا اور مبارکباد دی جنہوں نے اُن کی بیٹی کے لیے ’عروہ‘ نام تجویز کیا تھا۔

بیٹی کے نام سے متعلق آفریدی نے مشورہ مانگ لیا

آفریدی نے مداحوں سے بیٹی کے نام سے متعلق مشورہ مانگ لیا۔

یاد رہے کہ شاہد آفریدی نے گزشتہ روز ٹوئٹر پر اپنے مداحوں سے بیٹی کے نام سے متعلق مشورہ مانگا تھا۔

اُنہوں نے اپنے ٹوئٹ میں لکھا تھا کہ ’آپ لوگ کوئی ایسا نام تجویز کریں جو A سے شروع ہوتا ہو۔‘

شاہد آفریدی نے لکھا تھا کہ وہ جس کا بھی تجویز کردہ نام رکھیں گے اُس کو انعام بھی دیں گے، آفریدی کے اِس ٹوئٹ کے بعد ٹوئٹر صارفین نے اُن کو بہت سے نام تجویز کیے۔