فوجی پریڈ میں 19 سال بعد پنجاب پولیس شرکت کرے گی

پنجاب پولیس کے سہالہ کالج اسلام آباد کا دستہ 19 سال بعد افواج پاکستان کی پریڈ میں شرکت کرے گا جسے پریڈ میں شرکت کرنے والے دستے کو ایس ایس پی لیڈ کریں گے۔

پاکستان کے سب سے بڑے سہالہ پولیس کالج میں 23 مارچ کو یوم پاکستان کی پریڈ میں شرکت کے لیے زور و شور سے تیاریاں جاری ہیں۔

یوم پاکستان کی پریڈ میں پنجاب پولیس کا دستہ 19 سال بعد شامل ہوگا۔

اس حوالے سے کمانڈنٹ پولیس کالج سہالہ عباس احسن کہتے ہیں کہ پولیس کے جوانوں کی تربیت کا سلسلہ جدید تقاضوں کے مطابق جاری ہے۔

پریڈ میں ملک کے مختلف حصوں سے آئے 192 پولیس کے جوان اور افسران شامل ہوں گے۔

یہاں ان جوانوں کو دہشت گردی سمیت دیگر سنگین واقعات سے نمٹنے کی تربیت دی جارہی ہے۔

کمانڈنٹ پولیس کالج سہالہ کے مطابق فیلڈ میں ملزمان سے نمٹنے کے ساتھ جوانوں کی اخلاقی تربیت بھی کی جاتی ہے۔