فرمان الہی
نماز کے اوقات
مسلم لیگ ن کے رہنما احسن اقبال کا کہنا ہے کہ ہمیں ووٹ دیں تو کراچی کو لاہور سے زیادہ چمکا دیں گے۔
دو روزہ کراچی کے دورے پر آئے ہوئے رہنما ن لیگ احسن اقبال نے مزار قائد کے باہر کارکنان سے خطاب کے دوران کہا ہے کہ ہمیں جھوٹے کیسوں میں نیازی نے جیل میں ڈالا تاکہ ہماری آواز دبائی جاسکے، حمزہ اور دیگر رہنما آج بھی جیل میں ہیں۔
احسن اقبال نے کہا کہ نواز شریف نے کراچی کی روشنیاں بحال کیں، آج اسی کراچی کی روشنیاں پھر ماند پڑ گئی ہیں۔
احسن اقبال نے موجودہ حکومت پر تنقید کرتے ہوئے کہا کہ ہمارے شروع کیے گیے منصوبے ختم کردیے گئے، گرین لائن منصوبہ اب تک نامکمل ہے۔
انہوں نے مزید کہا کہ 5ملین گیلن پانی کی فراہمی کا منصوبہ بھی رکا ہوا ہے، 2018ء میں کراچی کے ووٹوں پر بھی ڈاکا ڈالا گیا۔
کراچی شہر میں موجود مسلم لیگ ن لیگ کے کار کنان سے متعلق احسن اقبال کا کہنا تھا کہ ن لیگ کے شیر اب اور بھی بہادر ہو گئے ہیں۔
