تنگ آ چکے ہیں کشمکش زندگی سے ہم

13 مارچ ، 2020

٭…ساحر لدھیانوی…٭

ٹھکرا نہ دیں جہاں کو کہیں بے دلی سے ہم

مایوسئ مآل محبت نہ پوچھیے

اپنوں سے پیش آئے ہیں بیگانگی سے ہم

لو آج ہم نے توڑ دیا رشتۂ امید

لو اب کبھی گلہ نہ کریں گے کسی سے ہم

ابھریں گے ایک بار ابھی دل کے ولولے

گو دب گئے ہیں بار غم زندگی سے ہم

گر زندگی میں مل گئے پھر اتفاق سے

پوچھیں گے اپنا حال تری بے بسی سے ہم

اللہ رے فریب مشیت کہ آج تک

دنیا کے ظلم سہتے رہے خامشی سے ہم

خیبر پختونخوا میں گورنر راج لگانے کے حامی نہیں، فضل الرحمان