آپ آف لائن ہیں
جمعہ13؍شوال المکرم 1441ھ 5؍جون 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

میرا کی وائٹ ہاؤس کے سامنے جاگنگ کے دوران مداحوں کو نصیحتیں

واشنگٹن(مانیٹرنگ ڈیسک)چین اور اٹلی کے بعد کورونا کا نیا مرکز بننے والے امریکا میں وائرس کا پھیلاؤ تیزی سے جاری ہے جہاں ہلاکتوں کی تعداد بھی 1700 کے پہنچ چکی ہے لیکن اداکارہ میرا بےخوف وخطر وائٹ ہاؤس کے سامنے جاگنگ کر رہی ہیں۔انسٹا گرام پرمیرا نے ایک ویڈیو شیئرکی جس میں وہ امریکی صدر ڈونلڈ ٹرمپ کی سرکاری رہائشگاہ کے سامنے جاگنگ کرنے کے علاوہ فالوورز کو کورونا سے بچنے کے لیے احتیاطی تدابیربتانے کے علاوہ چند نصیحتیں بھی کررہی ہیں۔میرا نے اپنے پیغام میں کہا ’’ میں وائٹ ہاؤس کے سامنے ہوں ۔ آپ لوگ بار بار ہاتھ دھوئیں اور اپنا مدافعتی نظام بہتر بنائیں‘‘۔اداکارہ نے مزید کہا کہ اللہ نے بہترین موقع دیا ہے کہ ہم عبادت اور استغفار کریں اور اللہ تعالیٰ سے معافی مانگیں۔اس پوسٹ کے کیپشن میں میرا نے واضح کیا کہ ’’صحت نعمت ہے، میں اپنے پیاروں سے سماجی دوری اختیار کرتے ہوئے اکیلی واک کررہی ہوں ‘‘۔انسٹا گرام پر ایک اور ویڈیو میں اداکارہ نے کہا کہ کورونا وائرس کو مات دینی ہے،تھوڑی تھوڑی دیربعد صابن سے ہاتھ دھوئیں، گھر سے باہر نہ نکلیں اور حکومت پاکستان کے اقدامات کا سنجیدگی سے احترام کریں، ہم دنیا پرثابت کردیں گےکہ ہم زندہ اور پائندہ قوم ہیں۔

دل لگی سے مزید