سرفراز اور اسد شفیق کی شہریوں سے گھروں میں رہنے کی اپیل

قومی کرکٹ ٹیم کے کھلا ڑی بھی کورونا وائرس کے خلاف میدان عمل میں آگئے۔

کراچی میں ڈسٹرکٹ سینٹرل پولیس نے کورونا وائرس کے باعث کھلاڑیوں سے درخواست کی ہے کہ عوام سے گھروں میں رہنے کی اپیل کریں۔

قومی ٹیم کے سابق کپتان سرفراز احمد نے کراچی کے شہریوں کو لاک ڈاؤن پر سختی سے عمل درآمد کرنے کا پیغام دیا ہے۔

انہوں نے کہا کہ کورونا سے بچاؤ صرف احتیاط ہی سے ممکن ہے، شہری کراچی پولیس کی مدد کریں اور لاک ڈاؤن کے دوران اپنے گھروں سے نہ نکلیں۔

ٹیسٹ کرکٹر اسد شفیق نے اپنے پیغام میں شہریوں سے حکومت سندھ اور کراچی پولیس کے ساتھ تعاون کی اپیل کی ہے۔