• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

فرانس، جرمنی اور برطانیہ نے ایران کو طبی امداد بھیج دی

آج کا اخبار
یورپ سے
01 اپریل ، 2020
پیرس (نمائندہ جنگ) فرانس، جرمنی اور برطانیہ نے گزشتہ برس انسٹیکس کے قیام کا اعلان کیا تھا، انسٹیکس اسکیم کے تحت یورپ نیوکلیئر معاہدے کی شرائط پر ایران کو پابند رکھنے کا مجاز ہے مگر تجارتی پابندیوں کےباوجود یورپ نےایران کوبائی پاس ڈیل کےتحت طبی امداد بھیج دی ہے، فرانسیسی میڈیا کے مطابق یورپی ممالک سےایران بھیجی گئی امداد میں طبی آلات اور ساز و سامان شامل ہے۔ یورپی ممالک کی جانب سے ایران کو بھیجی جانے والی یہ پہلی امداد ہے۔ جرمن وزارت خارجہ کے مطابق ایران کو امداد بھیجنے والے ممالک میں فرانس، جرمنی اور برطانیہ شامل ہیں۔ جرمن وزارت خارجہ نے مزید بتایا کہ یورپی ممالک کی جانب سے بھیجا جانےوالا طبی سامان ایران پہنچ چکا ہے۔ میڈیا رپورٹ میں کہا گیا کہ امریکی صدر ٹرمپ نےایران کے ساتھ 2015 کا نیوکلیئر معاہدہ ختم کرکےتجارتی پابندیاں لگائی تھیں۔ امریکہ کی یہ تجارتی پابندیاں ایران کے کورونا سے لڑنے کے اقدامات کی راہ میں حائل ہیں۔
تازہ ترین