دنیا کے کئی ممالک میں کورونا سے متعلق مذاق میں بھی جھوٹی خبر دینے پر خبردار کردیا گیا ہے۔
شہریوں کو خبردار کیا گیا ہے کہ کورونا سے متعلق جھوٹی خبر کی صورت میں سزا کا سامنا کرنا پڑ سکتا ہے۔
ادھر سرچ انجن گوگل نے بھی کورونا وبا کے پیش نظر روایتی اپریل فول مہم منسوخ کردی ہے۔
تائیوان کی حکومت نے اعلان کیا ہے کہ کورونا کی وبا سے متعلق جھوٹی خبر یا افواہ پھیلانے پر تین سال قید اور جرمانہ ہوگا۔
تھائی لینڈ میں کورونا پر مذاق کو خلاف قانون قرار دیتے ہوئے پانچ سال قید کا اعلان کردیا گیا۔
جرمنی نے بھی شہریوں پر زور دیا کہ مہم سے پرہیز کریں۔
بھارت میں سیاستدانوں کی کورونا وائرس سے متعلق افواہیں نہ پھیلانے کی اپیل، ممبئی پولیس نے افواہیں پھیلانے والوں کے خلاف قانونی کارروائی کی دھمکی دیدی۔