• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ریتھیک روشن نے بیٹے کو شطرنج کے اصول سمجھا دیئے

تازہ ترین
انٹرٹینمنٹ
07 اپریل ، 2020
ریتھیک روشن نے بیٹے کو شطرنج کے اصول بتادیے

بالی ووڈ فلم اسٹار ریتھیک روشن نے لاک ڈاؤن کے دوران اپنے بیٹے کو شطرنج کھیلنےکے کچھ اُصول بتاتے ہوئے تصویر سوشل میڈیا پر شیئر کردی۔

گزشتہ روز بالی ووڈ فلم اسٹار ریتھیک روشن نے تصویر اور ویڈیو شیئرنگ ایپ انسٹاگرام پر ایک تصویر شیئر کی۔ بالی ووڈ اداکار کی جانب سے شیئر کی جانے والی تصویر میں دیکھا جاسکتا ہے کہ اداکار کا بیٹا شطرنج کھیل رہا ہے۔


ریتھیک روشن نے اپنی اِس پوسٹ کے کیپشن میں ترتیب سے شطرنج میں کامیابی کے کچھ اُصول لکھے۔

بالی ووڈ اداکار نے لکھا کہ ’سب سے پہلے ہمیں اپنی پُوری توجہ کھیل پر دینی ہے، اُس کے بعد اپنا ایک مقصد بنانا ہے اور پھر میں جو اُصول بتارہا ہوں اِن پر عمل کرنا ہے۔

ریتھیک روشن نے کچھ اِس طرح شطرنج کے اُصول بتائے:

  • سب سے آگے بڑھنے کے لیے کچھ منصوبے بنایئے۔
  • ہر چال کے لیے تیار رہیں۔
  • آپ کو اپنے مقصد میں کامیاب ہونے کے لیے کچھ قربانیاں بھی دینی پڑسکتی ہیں لیکن آپ کو اِس میں پریشان نہیں ہونا ہے۔
  • آپ کے ہر اقدام سے آپ کو فائدہ اور نقصان ہوگا۔
  • غلطیاں کرنے سے شطرنج کے کھلاڑیوں کی جانیں بھی جاسکتی ہیں۔
  • آپ اپنے مقصد دور سے ہی بنائیں۔
  • دشمن کے قریب آکر آگے نہ بڑھیں۔
  • اپنی اور اپنے قبیلے کی حفاظت کریں۔
  • کھیل کے دوران گھبرانا نہیں ہے۔
  • یہ صرف ایک کھیل نہیں ہے بلکہ اِس سے زندگی گُزارنے کا طریقہ معلوم ہوتا ہے۔
  • اور کھیل شروع کرنے سے پہلے اپنے ہاتھوں کو لازمی دھوئیں۔

بالی ووڈ فلم اسٹار نے آخر میں لکھا کہ ’مجھے لگتا ہے کہ ہماری زندگی میں ہر جنگ کو جیتنے کے لیے ایک ہی جیسے اُصول ہیں۔‘

اُنہوں نے لکھا کہ ’آیئے ہم یہ جنگ بھی جیتیں۔‘

تازہ ترین