سندھ، لاک ڈاؤن مزید بڑھانےکی تجویز

تمام نجی اسپتالوں کے مالکان اور لیڈنگ ڈاکٹروں نے وزیراعلیٰ سندھ کو لاک ڈائون مزید بڑھانے کی تجویز دیدی۔

 وزیراعلیٰ سندھ مراد علی شاہ نے نجی اسپتالوں کے مالکان اور سی ای اوز سے ملاقات کی۔

 اس موقع پر نجی اسپتالوں کے مالکان سے کہا کہ مجھے کورونا کے خلاف جنگ میں آپ سب کی رہنمائی اور مدد چاہئے.

 نجی اسپتالوں کے مالکان اور لیڈنگ ڈاکٹروں کا کہنا تھا کہ لاک ڈائون بڑھایا نہ گیا تو کورونا وائرس کے مریضوں کی تعداد میں تیزی سے اضافہ ہوگا جس سے سندھ سمیت ملک کا صحت کیئر نظام بیٹھ جائے گا۔

 وزیراعلیٰ سندھ نے کہا کہ وہ تجویز پر مشاورت کرینگے۔

کورونا، سندھ میں آج 51 نئے کیسز سامنے آئے ہیں

وزیراعلیٰ سندھ سید مراد علی شاہ کا کہنا ہے کہ کورونا وائرس کے مریضوں کے مصدقہ کیسز کل تک 881 تھے جبکہ آج 51 نئے کیسز آئے ہیں، اس حساب سے کیسز کی تعداد 932 ہوگئی ہے

وزیر اعلیٰ سندھ نے مالکان اور ڈاکٹروں سے کہا کہ  کورونا کے خلاف بڑی جنگ میں حکومت کو آپ کی مدد کی ضرورت ہے۔

مراد علی شاہ کا کہنا تھا کہ ہم نے تمام سرکاری اسپتالوں میں اور الگ بھی آئیسولیشن سینٹرز بنائے ہیں، اسپتالوں میں کورونا وائرس کے مریضوں کے الگ بستر، آئی سی یو ہونے چاہئیں۔

سندھ میں کورونا متاثرین کی تعداد 986 ہوگئی، مراد علی شاہ

سید مراد علی شاہ نے اپنے ایک ویڈیو پیغام میں صوبہ سندھ میں کورونا وائرس کی صورتحال پر بات کرتے ہوئے کہا ہے کہ کل تک 9 ہزار585 ٹیسٹ کئے تھے جبکہ آج مزید 634 ٹیسٹ کیے ہیں، کل ٹیسٹ کی تعداد 10ہزار 219 ہے

ڈاکٹر عاصم نے وزیر اعلیٰ سندھ کو یقین دہانی کروائی کہ تمام نجی اسپتال سندھ حکومت کے ساتھ ہر قسم کی مدد کیلئے تیار ہیں۔

ملاقات کے دوران نجی اسپتالوں سے تعلق رکھنے والوں نے وزیر اعلیٰ سے مطالبہ کیا کہ انہیں  کٹس، پی پی ایز اور ڈرگ چاہئیں۔