آپ آف لائن ہیں
اتوار 8؍ شوال المکرم 1441ھ 31؍مئی 2020ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

امریکا: ایری زونا کے شاپنگ مال میں فائرنگ، 3 زخمی

امریکی ریاست ایری زونا کے شاپنگ مال میں فائرنگ کے نتیجے میں 3 افراد زخمی ہو گئے، پولیس کی جانب سے ایک مشتبہ شخص کو حراست میں لیا گیا ہے۔

فائرنگ کا واقعہ ایری زونا کے شہر گلینڈیل کے ویسٹ گیٹ انٹرٹینمنٹ ڈسٹرکٹ کے شاپنگ مال میں پیش آیا جہاں مسلح شخص کی فائرنگ سے 3 افراد زخمی ہو گئے۔

تینوں زخمیوں کو اسپتال منتقل کیا گیا ہے جن میں سے ایک زخمی کی حالت تشویش ناک ہے۔

پولیس کے مطابق فائرنگ کا واقعہ مقامی وقت کے مطابق شام 7 بج کر 25 منٹ پر پیش آیا، پولیس واقعے کے فوری بعد جائے وقوع پر پہنچ گئی جس نے فوری طور پر ملزم کو حراست میں لے لیا۔

یہ بھی پڑھیئے: امریکا میں فائرنگ، 10 افراد زخمی

پولیس کی جانب سے حراست میں لیے گئے شخص اور واقعے میں زخمی ہونے والے افراد کے نام ظاہر نہیں کیے جا رہے۔

بین الاقوامی خبریں سے مزید