آپ آف لائن ہیں
جمعہ18؍ذیقعد 1441ھ 10؍جولائی 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

مظفرآباد میں عید کے دوسرے روز بھی لاک ڈاؤن جاری

مظفرآباد میں عید کے دوسرے روز بھی لاک ڈاؤن جاری


مظفرآباد میں عالمی وبا کورونا وائرس کا پھیلاؤ روکنے کے لیے عید کے دوسرے روز بھی لاک ڈاؤن جاری ہے۔

ڈپٹی کمشنر بدر منیر کے مطابق مظفرآباد میں عید کے دوسرے دن بھی لوگ اپنے گھروں میں موجود ہیں جبکہ شہر بھر میں صرف ضروریات اشیاء کی دکانیں کھلی ہیں۔

ڈپٹی کمشنر کا کہنا ہے کہ شہر بھر میں میڈیکل اسٹور، پھل، سبزی اور دودھ دہی کی دکانیں صبح 8 تا 4 بجےکھلی رہیں گی۔

دوسری جانب آزاد کشمیر حکومت نے ایک ہفتےکے لیے مکمل لاک ڈاؤن کا اعلان کیا ہے اور کہا کہ عید گھروں میں ہی گزاریں، کورونا وائرس کا اس کے سوا کوئی حل نہیں ہے۔

مظفرآباد کے ڈپٹی کمشنر نے اپنے ایک بیان میں کہا کہ کورونا وائرس کے کیسز تیزی سے بڑھ رہے ہیں، آئسولیشن اسپتال میں جگہ کم پڑ گئی ہے۔

انہوں نے کہا کہ وزیراعظم ہاؤس میں قرنطینہ کو بھی آئسولیشن وارڈ میں تبدیل کردیا ہے۔

ڈپٹی کمشنر بدر منیر نے کہا کہ عید کے بعد مقامی سطح پر رینڈم سیمپلنگ شروع کی جائےگی۔ 

قومی خبریں سے مزید