بلوچستان گزشتہ 2 ماہ سے ٹڈ ی دل کی زد میں ہے، لیاقت شاہوانی

27 مئی ، 2020

ترجمان حکومت بلوچستان لیاقت شاہوانی کا کہنا ہے کہ بلوچستان گزشتہ 2 ماہ سے ٹڈ ی دل کی زد میں ہے، ٹڈی دل سے نمٹنے کے لیے بھی حکومت اقدامات کر رہی ہے۔

لیاقت شاہوانی نے میڈیا سے گفتگو کے دوران ٹڈی دل اور کورونا وائرس کی صورتحال سے متعلق بات کرتے ہوئے کہا ہے کہ کورونا کے باعث میل جول کم ہو، اس لیے عید سادگی سے منائی، کورونا متاثرین کو راشن اور رقم ادا کی گئی۔

لیا قت شاہوانی نے کہا ہے کہ عوام کی مشکلات کو مدنظر رکھتے ہوئے لاک ڈاؤن میں نرمی کی، ہمیں اب کورونا کے ساتھ جینا ہوگا، ورنہ کورونا ہمیں جینے نہیں دے گا۔

انہوں نے مزید کہا ہے کہ کورونا علامات مخفی ہونے کی وجہ سے لوگ سنجیدہ نہیں لے رہے، ایس او پیز پر عمل درآمد کریں گے تو کورونا کے ساتھ جینا سیکھ جائیں گے۔

لیاقت شاہوانی کا کہنا تھا کہ بلڈ پریشر کے مریض بھی اس بیماری کے ساتھ زندگی گزارتے ہیں۔

تازہ ترین