آپ آف لائن ہیں
منگل22؍ذیقعد 1441ھ 14؍جولائی 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

ریلوے ہیڈ کوارٹرز لاہور کا ملازم کورونا سے جاں بحق

ریلوے ہیڈ کوارٹرز لاہور میں ایک ملازم کورونا وائرس سے جاں بحق ہوگیا، جس کے بعد فیڈرل جنرل انسپکٹر آف ریلویز کا دفتر سیل کرکے تمام افسران اور ملازمین کا کورونا ٹیسٹ کرانے کا حکم دے دیا گیا۔

ترجمان محکمۂ ریلویز کے مطابق محمد لطیف فیڈرل جنرل انسپکٹر آف ریلویز میں ہیڈ کلرک تھا جسے 10 دن پہلے کورونا ٹیسٹ مثبت آنے پر میو اسپتال میں داخل کرایا گیا تھا ۔

ترجمان نے مزید بتایا کہ فیڈرل جنرل انسپکٹر آف ریلویز کا دفتر سیل کرکےریلوے ہیڈ کوارٹرز کی عمارت کو مکمل طور پر ڈس انفیکٹ کرنے کا حکم دیا گیا ہے۔

اس کے علاوہ ریلوے ہیڈ کوارٹرز کے تمام افسران اورملازمین کا کورونا ٹیسٹ کرانےکی ہدایت بھی کی گئی ہے۔

قومی خبریں سے مزید