آپ آف لائن ہیں
جمعہ18؍ذیقعد 1441ھ 10؍جولائی 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

میرپورخاص: تعلیمی اداروں کی بندش، ڈھائی کروڑ بچوں کا مستقبل داؤ پر

میرپورخاص(نامہ نگار)سندھ میں تعلیمی اداروں کی مسلسل بندش سے ڈھائی کروڑ بچوں کا مستقبل داو پر لگا ہوا ہے۔حکومت تعلیم اور بچوں کا مستقبل بچانے کے لئے فوری طور پر مشاورت سے ایس او پیز مرتب کرکے فوری طور پر اسکولز کھولے۔یہ بات آل اسکولز پرائیویٹ مینجمنٹ ایسوسی ایشن میرپورخاص کے ریجنل صدر فیصل خان زئی نے ہنگامی پریس کانفرنس میں کہی۔اس موقع پر ےنظیم کے دیگر عہدیدار شہناز حمید،محمد مسعود عباس،عمر فاروق قریشی،غلام مصطفیٰ بھگیو اور دیگر بھی موجود تھے۔انہوں نے کہا کہ ملک میں تعلیم کے فروغ میں نجی شعبہ اہم کردار اداکررہا ہے،لاک ڈاون کے باعث معاشی دباؤ کی وجہ سے نجی تعلیمی اداروں کی بقا شدید خطرے میں پڑ گئی ہے ۔مالی مسائل کاسامنا ہے ۔وزیر اعلیٰ سندھ اور صوبائی وزیر تعلیم اس کا فوری نوٹس لیتے ہوئے ایس اوپیز کے تحت سندھ بھر کے تعلیمی ادارے کھولنے کےاحکامات جاری کریں۔

سندھ بھر سے سے مزید