آپ آف لائن ہیں
ہفتہ19؍ذیقعد 1441ھ11؍جولائی 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

طیارہ حادثے میں 18 مکانات کو نقصان پہنچا ہے، SBCA

ڈائریکٹر سندھ بلڈنگ کنٹرول اتھارٹی (ایس بی سی اے) علی مہدی کاظمی کا کہنا ہے کہ کراچی میں طیارہ حادثے کے مقام پر 18 مکانات کو نقصان پہنچا ہے اور یہ مکانات تاحال بند ہیں۔

کراچی میں طیارہ حادثے کے مقام کا دورہ کرنے والی سندھ بلڈنگ کنٹرول اتھارٹی ٹیم میں شامل ایس بی سی اے کے ڈائریکٹر علی مہدی کاظمی نے میڈیا سے گفتگو میں کہا کہ نقصان کے شکار 18 مکان تاحال بند ہیں، ہماری کوشش ہوگی کہ اندر سے مکانات کا معائنہ ہو۔

علی مہدی کاظمی نے بتایا کہ آج ٹیکنیکل کمیٹی نے مکانات کا باہر سےمعائنہ کیا ہے، تاہم ہماری جاب سے ضلعی انتظامیہ کو خط لکھا جائے گا کہ عمارتوں کا اندر سے معائنہ ہونا چاہیے۔

ڈائریکٹر علی مہدی نے مزید کہا کہ پچاس فٹ سےزیادہ بلند عمارت کی اجازت سول ایوی ایشن اتھارٹی (سی اے اے )دیتی ہے، زیر تعمیر منصوبوں کواین او سی بھی سی اے اے نے دیا ہے۔

قومی خبریں سے مزید