آپ آف لائن ہیں
پیر21؍ذیقعد 1441ھ 13؍جولائی 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

امریکی شہریت رکھنے والےقیدی کی درخواست ضمانت پر نیب کو نوٹس جاری

کراچی (اسٹاف رپورٹر) سندھ ہائیکورٹ نے امریکی شہریت رکھنے والے ملزم امیر علی کی درخواست ضمانت پر نیب پراسیکوٹر سمیت فریقین کو نوٹس جاری کردیے۔ عدالت نے فریقین سے 15 جون کو جواب طلب کرلیا ہے۔ پیر کو سندھ ہائی کورٹ میں امریکی شہریت رکھنے والے ملزم امیر علی کی درخواست ضمانت پر سماعت ہوئی۔ دوران سماعت درخواست گزار کے وکیل کی جانب سے موقف اختیار کیا گیا کہ ملزم کی عمر 78 سال ہے،جیل میں شدید علیل ہیں، ملزم جیل میں کورونا وائرس کا شکار ہوگیا ہے، بیماری کی وجہ سے امیر علی کا وزن 45 کلو تک رہ گیا، علاج کروانا ہے، ضمانت پر رہا کرنے کا حکم دیا جائے۔ بعد ازاں عدالت نے ملزم امیر علی کی درخواست ضمانت پر نیب پراسیکوٹر سمیت فریقین کو نوٹس جاری کردیے۔ عدالت نے فریقین سے 15 جون کو جواب طلب کرلیا ہے۔ نیب کے مطابق ملزم نے سرکاری زمین پر ہاؤسنگ بنا کر شہریوں سے فراڈ کیا ہے۔
شہر قائد/ شہر کی آواز سے مزید