کورونا سے جاں بحق پی ٹی آئی رکن اسمبلی جمشید الدین کاکا خیل سپرد خاک

نوشہرہ سے تحریک انصاف کے ایم پی اے میاں جمشید الدین کاکا خیل کو نماز جنازہ ادا کرنے کے بعد نوشہرہ میں ان کے آبائی گاؤں میں کورونا ایس او پیز کے تحت سپرد خاک کردیا گیا۔

ڈپٹی کمشنر شاہد علی خان کے مطابق دس دن قبل ایم پی اے میاں جمشید الدین کاکا خیل کا کورونا ٹیسٹ مثبت آیا تھا۔ وہ سات روز سے اسلام آباد کے نجی اسپتال میں زیر علاج تھے۔

پی ٹی آئی MPA جمشید کاکا خیل کورونا سے انتقال کرگئے

پاکستان تحریک انصاف کے ممبر آف پروینشل اسمبلی اور سابق وزیر ایکسائز کے پی میاں جمشید الدین کاکا خیل کورونا سے انتقال کر گئے ہیں

انہوں نے کہا کہ میاں جمشید الدین کاکا خیل حالت زیادہ خراب ہونے پر تین دن سے وینٹی لیٹر پر تھے اور آج صبح وہ انتقال کرگئے۔

ان کی نماز جنازہ نوشہرہ میں آبائی گاؤں زیارت کاکا صاحب میں کورونا ایس او پیز کے مطابق ادا کی گئی۔