ترکش اداکار کی پاکستانی بچوں کی حوصلہ افزائی

شہرہ آفاق تُرک سیریز ’دیرلیش ارطغرل‘ میں بہادر سپاہی عبد الرحمٰن کا کردار ادا کرنے والے جلال کی جانب سے پاکستانی بچوں کو خراج تحسین پیش کیا گیا ہے۔

فوٹو اور ویڈیو شیئرنگ ایپ انسٹاگرام پر جلال نے پاکستان بچوں کی ایک ویڈیو شیئر کی جس میں بچے ’ارطغرل غازی‘ کے سپاہیوں کی طرح ہاتھ میں تلوار اور ڈھال لیے جنگی تربیت حاصل کرتے نظر آرہے ہیں جبکہ ویڈیو کے بیک گراؤنڈ میوزک میں ’دیرلیش ارطغرل‘ کے ساؤنڈ ٹریک کی دُھن چل رہی ہے۔

ویڈیو شیئر کرتے ہوئے جلال نے ترکش اور اُردو زبان میں پاکستانی بچوں کی حوصلہ افزائی کرتے ہوئے اپنا پیغام لکھا۔

ٹُرک اداکار نے بھی ’دل دل پاکستان‘ گنگنا دیا

شہرہ آفاق تُرک سیریز ’دیرلیش ارطغرل‘ میں بہادر سپاہی عبد الرحمٰن کا کردار ادا کرنے والے جلال نے پاک تُرک بھائی چارے کے فروغ کے پیش نظر معروف پاکستانی ملی نغمہ ’دل دل پاکستان ‘گنگنا دیا۔

ترک اداکار نے لکھا کہ ’آپ پاکستان کے بہادر سپاہی ہیں اور انشاءاللّہ ایک دن ہم بھی آپ کے ساتھ جنگ میں حصہ لیں گے۔‘

آخر میں اُنہوں نے تمام پاکستانیوں کو دل کی گہرائیوں سے محبت اور سلام بھی پیش کیا اور ساتھ ہی حق اللّہ کا نعرہ بھی لگایا۔

PIA حادثہ، تُرک اداکار نے اپنی انسٹاگرام پروفائل پر پاکستانی پرچم لگادیا

گزشتہ روز کراچی میں پیش آنے والے ایک المناک فضائی حادثے پر جہاں دُنیا بھر کے فنکار شدید غم کا اظہار کررہے ہیں، وہیں تُرک سیریز ’دیرلیش ارطغرل‘ میں سپاہی عبدالرحمٰن کا کردار ادا کرنے والے اداکار جلال نے بھی تصویر اور ویڈیو شیئرنگ ایپ انسٹاگرام پر پاکستانیوں سے اِظہار تعزیت کے لیے اپنی پروفائل کو پاکستانی رنگ میں رنگ دیا۔

یاد رہے کہ پاکستان میں ترک سیریز ’ارطغرل غازی‘ کی مقبولیت کے بعد سے ہی آئے روز جلال اپنے پیغامات میں پاکستان کا تذکرہ کرتے نظر آتے ہیں۔

اس سے قبل جلال نے عیدالطفر کے موقع پر پاکستانیوں کو عید کی مبارکباد دیتے ہوئے اور پاک تُرک بھائی چارے کے فروغ کے لیے معروف پاکستانی ملی نغمہ ’دل دل پاکستان‘ گنگنایا تھا۔

ہم علامہ اقبال کو کبھی نہیں بھول سکتے، جلال

شہرہ آفاق تُرک سیریز ’دیرلیش ارطغرل‘ میں بہادر سپاہی عبد الرحمٰن کا کردار ادا کرنے والے جلال نے پاک تُرک بھائی چارے کو بیان کرتے ہوئے فوٹو اور ویڈیو شیئرنگ ایپ انسٹاگرام پر پاکستان اور تُرکی کے پرچم کی تصویر شیئر کردی۔

واضح رہے کہ جلال نے تُرک سیریز ’دیرلیش ارطغرل‘ میں قائی قبیلے کے ایک بہادر اور ایماندار سپاہی کا کردار ادا کیا ہے۔