آپ آف لائن ہیں
بدھ16؍ذیقعد 1441ھ 8؍ جولائی 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

ٹائیگرفورس پرمشتمل رضاکاروں کے پہلے دستے کی خدمات محکمہ صحت کے حوالے

ملتان(سٹاف رپورٹر) وزیراعظم ٹائیگرفورس پرمشتمل رضاکاروں کے پہلے دستے کی خدمات محکمہ صحت ملتان کے حوالے کردی گئی،تحصیل صدر ملتان سے تعلق رکھنے والے 33 رضاکاروں کی فہرست ڈپٹی ڈسٹرکٹ ہیلتھ آفیسر کے حوالے کر دی گئی ہے۔ان رضا کاروں میں صحت کے شعبہ میں تعلیم اور تجربہ رکھنے والے 19 ڈاکٹرز،ٹیکنیشنز اور ڈسپنسرز بھی شامل ہیں،14 رضا کاروں کو کمپیوٹر اور خدمت خلق کے کاموں میں مہارت حاصل ہے،تمام رضا کار بلا معاوضہ بنیادی مراکز صحت اور رورل ہیلتھ سنٹر پر خدمات سرانجام دیں گے،ڈپٹی کمشنر عامر خٹک نے کہا ہے کہ ڈی ڈی ایچ اووز کو رضاکاروں کے فون نمبر فراہم کر دیئے گئے ہیں،ڈی ڈی ایچ اوز فیصلہ کریں گے کہ رضاکاروں سے کیاخدمات حاصل کرنی ہیں۔
ملتان سے مزید