آپ آف لائن ہیں
ہفتہ19؍ذیقعد 1441ھ11؍جولائی 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

نیویارک ،2 ساتھیوں کی معطلی پر55 پولیس افسران احتجاجاً مستعفی

نیویارک کے علاقے بفیلو میں ہنگامی ریسپانس ٹیم کے 55 پولیس افسران نے 2 ساتھیوں کی معطلی کے بعد احتجاجاً استعفا دے دیا ہے، معطل افسران پر الزام ہے کہ انہوں نے امریکی شہری کو دھکا دے کر زخمی کیا تھا۔

گزشتہ روزبفیلو میں سیاہ فام امریکی کے پولیس اہلکارکے ہاتھوں قتل کےخلاف کیے گئے مظاہرے کی ویڈیو میں ہنگامی رسپانس فورس کے افسران کی ایک قطار دکھائی دیتی ہے۔

ان کی طرف آتے ایک شخص کو 2 اہلکاروں نے ایسا دھکا دیا کہ وہ پیچھے فٹ پاتھ پر جا گرا اور اس کے سر سے خون بہنے لگا۔

ذرائع کے مطابق دھکا دینے والے دونوں افسران کو معطل کر دیا گیا ہےجس کے بعد یونٹ کے دیگر 55 افسران نے 2 ساتھیوں کے ساتھ کئے گئے سلوک پر استعفیٰ دےدیا ہے۔

ان کاکہناتھاکہ وہ صرف احکامات پر عمل کر رہے تھے، زخمی مارٹن گوگینو نے بیان میں خود کوانسانی حقوق کا وکیل بتایا ہے۔

حکام کے مطابق زخمی مارٹن گوگینو کی حالت اب خطرےسے باہر ہے۔

بین الاقوامی خبریں سے مزید