فرمان الہی
نماز کے اوقات
پاکستان فلم و ٹی وی انڈسٹری کی معروف اداکارہ منشا پاشا نے نامور سماجی کارکن جبران ناصر کو اُن کی زندگی میں شامل کرنے پر اللّہ تعالیٰ کا شکریہ ادا کیا ہے۔
فوٹو اور ویڈیو شیئرنگ ایپ انسٹاگرام پر منشا پاشا نے اپنی اور جبران ناصر کی منگنی کی ایک یادگار تصویر پوسٹ کی اور اُس کے ساتھ ہی اداکارہ نے اپنے منگیتر کے لیے ایک محبت بھرا پیغام بھی لکھا۔
تصویر پوسٹ کرتے ہوئے منشا پاشا نے لکھا کہ ’یہ سچ ہے کہ میرا کوئی دن ایسا نہیں گزرتا ہے کہ جب میں جبران کا ساتھ پانے پر اللّہ تعالیٰ کا شکر ادا نہ کروں۔‘
منشا پاشا نے لکھا کہ ’میں اللّہ تعالیٰ کی شُکر گزار ہوں کہ اُس نے مجھے جبران کا ساتھ عطا کیا۔‘
اداکارہ نے لکھا کہ ’میں خدا کا شکر ادا کرتی ہوں کہ اس نے مجھے میرے سب سے بہترین دوست، ڈانس پارٹنر اور میرے راز دار کے ساتھ ملایا۔‘
منشا پاشا کی اس پوسٹ پر اُن کے چاہنے والوں نے کمنٹ کرکے اداکارہ اور جبران ناصر کے لیے نیک خواہشات کا اظہار کیا ہے۔
یاد رہے کہ اس سے قبل بھی منشا پاشا نے انسٹاگرام پر جبران ناصر کے ہمراہ گزشتہ سال کی عید الطفر کی یادگار تصویر پوسٹ کی تھی۔
تصویر پوسٹ کرتے ہوئے منشا پاشا نے لکھا تھا کہ ’میں گزشتہ سال کی عید کو بہت زیادہ یاد کر رہی ہوں۔‘
یہ بھی پڑھیے: جبران ناصر اور منشا پاشا کی منگنی پر مداحوں کی مبارکباد
واضح رہے کہ منشا پاشا نے گزشتہ سال 22 دسمبر کو پاکستان کے مشہور سماجی کارکن جبران ناصر سے منگنی کی تھی۔
اِس جوڑے کی منگنی کی تقریب کا اہتمام کراچی کے ایک مقامی ہوٹل میں کیا گیا تھا جس میں شوبز فنکاروں سمیت دونوں کے قریبی رشتہ داروں نے شرکت کی تھی۔
