بھارتی وزیرِ اعظم سرینڈر مودی ہیں، راہول گاندھی

بھارتی کانگریس کے رہنما راہول گاندھی نے بھارت کے وزیرِ اعظم نریندر مودی کو سرینڈر مودی کہہ دیا۔

چینی فوج کے ہاتھوں 20 بھارتی فوجیوں کے مارے جانے کے بعد سے بھارتی وزیرِ اعظم نریندر مودی اپوزیشن کے حملوں کی زد پر ہیں۔

سماجی رابطے کی ویب سائٹ ٹوئٹر پر ایک بیان میں کانگریس رہنما راہول گاندھی نے لکھا ہے کہ بھارتی وزیرِ اعظم نریندر مودی دراصل سرینڈر مودی ہیں۔

مودی کیوں چھپ رہے ہیں؟ راہول گاندھی

بھارت کے اپوزیشن رہنما راہول گاندھی نے بھارتی فوجیوں کی ہلاکت پر وزیراعظم نریندر مودی کو تنقید کا نشانہ بناتے ہوئے ان سے سوال کیا ہے کہ آخر وہ خاموش کیوں ہیں اور کیوں چھپ رہے ہیں؟

راہول گاندھی نے سوشل میڈیا پر جاری کیے گئے ایک بیان میں مودی حکومت کی ناکام پالیسی سے متعلق جاپان کے اخبار میں شائع ہونے والا تبصرہ بھی منسلک کیا ہے۔

گزشتہ روز بھی بھارت کے اپوزیشن رہنما راہول گاندھی نے ایک بیان میں کہا تھا کہ بھارتی وزیراعظم نریندر مودی نے چین کے آگے اپنی زمین سرنڈر کردی۔

یہ بھی پڑھیئے: مودی نے چین کے آگے زمین سرنڈر کردی، راہول گاندھی

اس سے قبل سوشل میڈیا اکاؤنٹ پر راہول گاندھی نے لکھا تھا کہ بس بہت ہوگیا، بتایا جائے کہ کیا ہو رہا ہے، وزیرِ اعظم کیوں خاموش ہیں، چین نے بھارتی فوجیوں کو کیسے مارا اور اس کی ہمت کیسے ہوئی ہماری سرزمین لینے کی۔