آپ آف لائن ہیں
ہفتہ12؍ربیع الثانی 1442ھ 28؍نومبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

عائشہ خان کی بیٹی اور شوہر کیساتھ تصویر وائرل

شوبز انڈسٹری کو خیر باد کہنے والی پاکستانی اداکارہ عائشہ خان کی اپنے شوہر میجر عقبہ اور بیٹی ماہ نور کے ساتھ تصویر سوشل میڈیا پر وائرل ہوگئی ہیں۔

فوٹو اور ویڈیو شیئرنگ ایپ انسٹاگرام پر عائشہ خان  نے اپنی کچھ تصاویر پوسٹ کیں جن میں اُن کے ہمراہ اُن کی بیٹی ماہ نور اور شوہر میجر عقبہ بھی موجود ہیں لیکن تصاویر میں اُن کی بیٹی کا چہرہ نظر نہیں آرہا ہے کیونکہ عائشہ خان نے اپنی بیٹی کے چہرے پر مختلف ایموجیز لگائے ہوئے ہیں۔


تصاویر پوسٹ کرتے ہوئے عائشہ خان نے لکھا کہ ’ہم ماہ نور کے ساتھ تصویر کھینچوانے کی کوشش کر رہے تھے لیکن ماہ نور تو ایڈجسٹ ہی نہیں ہو پارہی تھی۔‘

اُنہوں نے مزاحیہ انداز میں لکھا کہ ’چار تصاویر خراب کرنے کے بعد آخر کار ماہ نور پانچویں تصویر میں ایڈجسٹ ہوہی گئی۔‘

عائشہ خان کی پوسٹ پر عائزہ خان، رمشا خان اور شگفتہ اعجاز نے بھی کمنٹ کرکے تصاویر کے لیے اپنی پسندیدگی کا اظہار کیا۔

واضح رہے کہ 15 اپریل 2018 کو عائشہ خان اور میجر عقبہ ایک سادہ مگر پروقار تقریب میں شادی کے بندھن میں بندھے تھے جس میں عزیز و اقارب سمیت قریبی دوستوں نے شرکت کی تھی اور اُن کے ہاں گزشتہ سال 12 ربیع الاول کو بیٹی کی پیدائش ہوئی تھی جس کا نام اُنہوں نے ’ماہ نور‘ رکھا۔ 

انٹرٹینمنٹ سے مزید