آرمی چیف نے پوزٹرون ایمیشن ٹیکنالوجی کا افتتاح کردیا

آرمی چیف جنرل قمر جاوید باجوہ نے راولپنڈی میں پوزٹرون ایمیشن ٹیکنالوجی کا افتتاح کردیا۔

اس موقع پر آرمی چیف کا کہنا تھا کہ اے ایف آئی آر آئی شہریوں کو اعلیٰ کوالٹی کی طبی سہولیات فراہم کر رہا ہے، آرمی میڈیکل کور عوامی خدمت جاری رکھے گا۔

علاوہ ازیں آرمی چیف جنرل قمر جاوید باجوہ سے پاکستان میں جاپان کے سفیر نے ملاقات کی ،جس میں خطے کی سیکیورٹی اور دوطرفہ باہمی تعاون پر تبادلہ خیال کیا گیا۔

آئی ایس پی آر کے مطابق آرمی چیف نے پاکستان میں کورونا سے نمٹنے کیلئے جاپان کے تعاون کو سراہا، جاپانی سفیر نے خطے میں استحکام کے لیے پاکستان کے کردار کی تعریف کی۔