آپ آف لائن ہیں
جمعہ11؍ذیقعد 1441ھ 3؍جولائی 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

شعیب اختر کا سوشانت سنگھ راجپوت سے بات نہ کرنے کا افسوس

سابق پاکستانی ٹیسٹ کرکٹر اور اسپیڈ اسٹار شعیب اختر نے سوشانت سنگھ راجپوت کی موت پر تعزیت کا اظہار کرتے ہوئے کہا ہے کہ اُنہیں افسوس ہے کہ جب ملاقات کا موقع ملا وہ سوشانت سے بات نہ کرسکے۔

بھارتی میڈیا کی رپورٹ کے مطابق شعیب اختر نے اپنی حالیہ ویڈیو میں بھارتی شہر ممبئی میں دونوں اسٹارز کے درمیان ملاقات کا تذکرہ کیا جو 2016 میں ہوئی تھی۔ 

شعیب اختر کا کہنا تھا کہ میں ان (سوشانت سنگھ راجپوت) سے 2016 میں اس وقت ملا تھا جب میں بھارت سے واپس پاکستان آنے والا تھا۔ وہ مجھے پر اعتماد نظر نہیں آرہے تھے، جب وہ میرے پاس سے اپنا سر جھکائے گزرے تو ایک دوست نے مجھے بتایا کہ یہ اداکار دھونی پر فلم بنا رہے ہیں۔ میں نے سوچا میں اس کی فلم دیکھنا ہوگی، وہ ایک معزز گھرانے سے تھے، اور وہ اچھی فلم بھی بنارہا ہے۔ 

انہوں نے مزید کہا کہ وہ فلم کامیاب ہوئی، لیکن مجھے افسوس ہے کہ میں نے اس لڑکے کو روک کر اس سے بات نہیں کی۔ کاش میں اپنی زندگی کے تجربات اس سے شیئر کرتا جو اسے زندگی کا وسیع میدان دیکھنے میں مدد دیتے لیکن مجھے ان سے بات نہ کرنے پر افسوس ہے۔ 

انٹرٹینمنٹ سے مزید