• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

دشمن قوتیں پاکستان میں امن نہیں چاہتیں ،گورنر پنجاب

میرا شہر
لاہور
30 جون ، 2020
لاہور( نمائندہ خصوصی) گور نر پنجاب چوہدری محمدسرور نے کہا ہے کہ پاکستان میں ہونیوالی دہشت گردی میں ملکی تر قی اور خوشحالی کی دشمن قوتیں ملوث ہیںʼ افواج پاکستان سمیت تمام سکیورٹی ادارے دہشت گردوں اور انکے سہولتوں کاروں کا صفایا کر رہے ہیں قوم سکیورٹی اداروں کیساتھ کھڑی ہے ۔ وہ سوموار کے روز نامورمیزبان اورشاعرطارق عزیز مرحوم کی فیملی سے انکے گھر پر اظہارتعزیت،فاتحہ خوانی اور گور نر ہائوس میں اورسیز پاکستانیوں کے وفد سے ملاقات کے دوران گفتگو کر رہے تھے گور نر پنجاب چوہدری محمدسرور نے پاکستان اسٹاک ایکسچینج میں دہشت گردوں کے حملے کی شدید مذمت کرتے ہوئے کہا کہ دہشت گردوں کے عزائم کو خاک میں ملانے پر رینجر زاور پولیس سمیت دیگر سکیورٹی اہلکاروں کو خر اج تحسین پیش کر تاہوں دہشت گرد انسانیت اورامن کے دشمن ہیں پاکستان دشمن قوتیں یہاں پر امن ترقی اور خوشحالی نہیں چاہتی بعد ازں گور نر پنجاب چوہدری محمدسرور نےطارق عزیز مرحوم کے گھر جاکر ان کے اہل خانہ سے اظہار تعزیت اور فاتحہ خوانی کرتے ہوئے مر حوم طارق عزیز کی خدمات پر انکو خراج عقیدت پیش کرتے ہوئے کہا کہ طارق عزیز ہمہ جہت شخصیت کے مالک تھے ۔انکی خدمات کو ہمیشہ یاد رکھا جائیگا
تازہ ترین