آپ آف لائن ہیں
جمعرات 22؍ ذی الحج 1441ھ13؍اگست2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

گاڑیاں اوگرا کی ڈیمانڈ پر بنوانے کیلئے مزید وقت چاہیے، آئل ٹینکر اونرز

آئل ٹینکر اونرز ایسوسی ایشن نے حکومت سے گاڑیوں کو اوگرا کی ڈیمانڈ کے مطابق بنوانے کے لئے مزید وقت مانگ لیا ہے، آئل ٹینکرز اونرز کا کہنا ہے کہ موجودہ ملکی صورتحال میں گاڑیوں کو بنوانا ان کے لئے بہت مشکل ہے۔

آل پاکستان آئل ٹینکر اونرز ایسوسی ایشن کے وائس چیئرمین میر شمس شاہوانی کے مطابق ان کی گورنر سندھ عمران اسماعیل اور وفاقی وزیر اطلاعات شبلی فراز سے پرانے آئل ٹینکرز کے معاملے پر تفصیلی گفتگو ہوئی ۔

ان کا کہنا تھا کہ اس سے قبل بھی پرانی گاڑیوں کے اشوز پر میٹنگ ہوچکی ہے، ہم حکومت کے ساتھ کھڑے ہیں، ہمارے ٹرانسپورٹرز کو مزید وقت درکار ہے ملک کے حالات اور کورونا وائرس کی وجہ سے کاروبار نہ ہونے کے برابر ہے۔

میر شمس شاہوانی نے بتایا کہ ٹرانسپورٹرز اپنے ڈرائیوروں کی تنخواہیں ادا کرنے تک کے لئے پریشان ہیں، موجودہ صورتحال میں نئی اوگرا کی ڈیمانڈ کے مطابق گاڑیوں کو نہیں بنوا سکتے اوراگر پرانی گاڑیوں کو بند کر دیا گیا تو ملک میں آئل مصنوعات کا بحران پیدا ہو سکتا ہے۔

ان کے مطابق گورنر سندھ عمران اسماعیل اور معاون خصوصی شبلی فراز نے معاملے کی نزاکت کو سمجھتے ہوئے معاملے کو حل کروانے کی یقین دہانی کروائی ہے۔

قومی خبریں سے مزید