آپ آف لائن ہیں
جمعرات 15؍ ذی الحج 1441ھ6؍اگست2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

کرنٹ سے ہلاکتیں روکنے کیلئے نیپرا کی کے الیکٹرک کو ہدایت

کرنٹ سے ہلاکتیں روکنے کیلئے نیپرا کی کے الیکٹرک کو ہدایت


کراچی میں متوقع بارشوں کے دوران گزشتہ سال کی طرح کرنٹ لگنے سے ہلاکتیں روکنے کے لیے نیپرا نے کے الیکٹرک کو ٹیمیں متحرک کرنے کی ہدایت کر دی۔

ذرائع کے مطابق نیپرا نے کے الیکٹرک کو گزشتہ سال جیسے واقعات کی روک تھام یقینی بنانے کی ہدایت کی ہے۔

گرشتہ سال بارشوں میں نیپرا نے کرنٹ لگنے سے 19 ہلاکتوں کا ذمے دار کے الیکٹرک کو قرار دیا تھا ، کرنٹ لگنے سے ہلاکتوں پر کے الیکٹرک کو 5 کروڑ روپے جرمانہ بھی کیا گیا تھا۔

نیپرا ذرائع کا کہنا ہےکہ کے الیکٹرک کے ساتھ جرمانے کا معاملہ عدالت میں ہے، ہلاکتوں کے بعد کے الیکٹرک کو اپریل 2020ء تک سسٹم کی ارتھنگ مکمل کرنے کی ہدایت کی گئی تھی۔

نیپرا ذرائع کا مزید کہنا ہے کہ کے الیکٹرک نے کورونا وائرس کی وجہ سے اب تک 80 فیصد ارتھنگ مکمل ہونے کا بتایا ہے۔

یہ بھی پڑھیئے: کراچی بارش، کرنٹ لگنےسے 14ہلاکتیں؟

نیپرا نے مکمل سسٹم کی ارتھنگ کے بعد کے الیکٹرک 31 جولائی تک رپورٹ طلب کر رکھی ہے۔

نیپرا کی کے الیکٹرک کو ہدایت کرتے ہوئے کہا کہ رپورٹ تھرڈ پارٹی سے تصدیق کے بعد جمع کرائی جائے۔

قومی خبریں سے مزید