آپ آف لائن ہیں
جمعرات 22؍ ذی الحج 1441ھ13؍اگست2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

کے الیکٹرک کیخلاف شہری کی درخواست سماعت کیلئے منظور

کے الیکٹرک کی لوڈ شیڈنگ سے پریشان شہریوں نے عدالت نے رجوع کرلیا ، شہری نے کے الیکٹرک کےخلاف درخواست سندھ ہائی کورٹ میں جمع کرادی جسے سماعت کیلئے منظور کرلیا گیا ہے۔

کے الیکٹرک کی غیر اعلانیہ لوڈشیڈنگ اور اوور بلنگ کے خلاف شہری نے سندھ ہائیکورٹ میں درخواست دائر کی ہے جس میں موقف اختیارکیا گیا ہے کہ کے الیکٹرک کی جانب سے شہر کے مختلف علاقوں میں 10 سے 12 گھنٹے لوڈشیڈنگ کی جارہی ہے ۔

درخواست گزار کا کہنا ہے کہ شہر میں بجلی کے مسئلے پر سیاسی جماعتیں صرف سیاست کر رہی ہیں۔

درخواست کے متن میں کے الیکٹرک کو غیر اعلانیہ لوڈشیڈنگ سے روکنے اور کے الیکٹرک کی جانب غفلت اور لاپرواہی پر نیپرا کو کارروائی کا حکم دینے کی استدعا کی گئی ہے۔

عدالت نے درخواست کی فوری سماعت کی استدعا منظور کرلی ، جسٹس خادم حسین شیخ کی سربراہی میں دو رکنی بینچ درخواست کی سماعت کرے گا۔

قومی خبریں سے مزید