فرمان الہی
نماز کے اوقات
زرعی ادویات اور کیڑے مار اسپرے سے متعلق مارکیٹ کی جائزہ رپورٹ جاری کر دی گئی جس میں سنگین خامیوں کی نشاندہی ہوئی ہے۔
مسابقتی کمیشن کی جانب سے جاری کیے گئے اعلامیے کے مطابق زرعی ادویات کی مقامی پیداوار نہ ہونے سے سرمایہ کاری متاثر ہوئی ہے۔
اعلامیے میں کہا گیا ہے کہ قوانین کے کمزور نفاذ اور پیچیدہ منظوری نظام سے شعبہ متاثر ہوا، پنجاب اور سندھ میں جعلی اور ملاوٹ شدہ زرعی زہروں کا مسئلہ سنگین ہے، دو سالہ شیلف لائف شرط سے زرعی ادویات کا غیر ضروری ضیاع ہوا۔
رپورٹ کے مطابق صوبائی لیبارٹریوں میں صلاحیت اور تربیت یافتہ عملے کی کمی کے سبب کمزور انفورسمنٹ سے جعلساز فائدہ اٹھانے لگے ہیں، اٹھارھویں ترمیم کے بعد وفاقی و صوبائی اختیارات میں اوورلیپ بھی دیکھا گیا۔
رپورٹ کے مطابق جعلی زرعی مصنوعات کے خلاف سخت کارروائی، کمپٹیشن کمیشن کی زرعی اسپرے کے قوانین بہتر بنانے کی سفارش اور زرعی اسپرے کی منظوری کا عمل آسان اور تیز کرنے کی تجویز دی گئی ہے۔
رپورٹ کے مطابق مقامی پیداوار اور آب و ہوا کے مطابق ادویات کو فروغ دینے پر زور دیا ہے۔
مسابقتی کمیشن کے اعلامیے کے مطابق مؤثر نفاذ سے زرعی مارکیٹ میں مسابقت اور کسانوں کا تحفظ ممکن بنانے اور زرعی گریجویٹس کو لائسنس یافتہ ڈسٹری بیوٹر بنانے کی تجویز بھی دی گئی ہے۔
