امریکا میں کچھ یونی ورسٹیوں کی جانب سے ٹیوشن فیس میں کمی کے بعد دیگر یونی ورسٹیوں پر بھی فیسیں کم کرنے کیلئے دباؤ بڑھ گیا، کورونا کی صورتحال کی وجہ سے امریکا میں طالب علم فیسوں میں کمی کا مطالبہ کر رہے ہیں۔
ٹیوشن فیس میں کمی کیلئے 2 ہزار طالب علموں کی پٹیشن کے بعد واشنگٹن کی جارج ٹاؤن یونی ورسٹی نے فیسوں میں 10 فیصد کمی کردی ہے۔
پرنسٹن یونی ورسٹی نے بھی گزشتہ ماہ ایسا ہی اقدام کیا تھا جبکہ کچھ یونی ورسٹیوں نے سالانہ فیسوں میں مزید اضافہ کردیا ہے، ہارورڈ یونی ورسٹی نے اگلے سال سے سالانہ فیسوں میں 3.5 فیصد تک کا اضافہ کیا ہے۔
امریکا سمیت آسٹریلیا اور کینیڈا میں بھی طالب علم فیسوں میں کمی کا مطالبہ کر رہے ہیں۔