آپ آف لائن ہیں
جمعہ23؍ذی الحج 1441ھ14؍اگست2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

علی ظفر کو اہلیہ کی جانب سے محبت بھرا پیغام

پاکستان میوزک انڈسٹری کے معروف اور عالمی شہرت یافتہ گلوکار علی ظفر کی اہلیہ عائشہ فاضل کی جانب سے شوہر کے لیے محبت بھرا پیغام سامنے آیا ہے۔

علی ظفر کی اہلیہ عائشہ فاضل نے اپنی شادی کی 11ویں سالگرہ کے موقع پر فوٹو اینڈویڈیو شیئرنگ ایپ انسٹاگرام پر علی ظفر کی ایک تصویر پوسٹ کی جس میں گلوکار ہمیشہ کی طرح مُسکراتے نظر آرہے ہیں۔


تصویر پوسٹ کرتے ہوئے عائشہ فاضل نے علی ظفر کو مخاطب کرتے ہوئے لکھا کہ ’ہم دونوں کو شادی کی سالگرہ مبارک ہو۔‘

عائشہ فاضل نے لکھا کہ ’ایک لڑکی اپنی شوہر سے صرف یہی چاہتی ہے کہ اُس کا شوہر اُس بےانتہا محبت کرے اور اُسے ہر خوشی دے، اور آپ نے ہمیشہ مجھے میری سوچ سے بالاتر ہوکر پیار دیا ہے۔‘

اُنہوں نے لکھا کہ ’یہ حیرت انگیز ہے کہ ہماری شادی کو 11 سال ہوگئے ہیں اور ابھی آگے بھی کئی سال باقی ہیں جو ہمیں ساتھ گُزارنے ہیں۔‘

دوسری جانب علی ظفر نے اپنی انسٹاگرام اسٹوری میں اہلیہ عائشہ فاضل کو شادی کی سالگرہ کی مبارکباد دیتے ہوئے اُن سے محبت کا اظہار کیا۔

واضح رہے کہ علی ظفر اور عائشہ فاضل 2009 میں رشتۂ ازدواج میں منسلک ہوئے تھے اور اُن کے دو بچے ہیں۔

انٹرٹینمنٹ سے مزید