فرمان الہی
نماز کے اوقات
قائد حزب اختلاف شہباز شریف نے پیپلز پارٹی کے چیئرمین بلاول بھٹو زرداری اور جمعیت علماء اسلام (ف) کے سربراہ مولانا فضل الرحمٰن سے ٹیلیفون پر مشاورت کی ہے۔
ن لیگ کی طرف سے جاری اعلامیے کے مطابق قائد حزب اختلاف نے اپوزیشن کی دیگر بڑی جماعتوں کی قیادت سے ٹیلیفونک رابطہ کیا ہے۔
ذرائع کے مطابق اپوزیشن کی بڑی جماعتوں کی قیادت نے مشاورت کے دوران متحدہ اپوزیشن کے سینیٹرز پر مشتمل کمیٹی بنانے کا فیصلہ کیا۔
ذرائع کے مطابق کمیٹی فنانشل ایکشن ٹاسک فورس (ایف اے ٹی ایف) سے متعلق سینیٹ میں زیر غور قوانین کا جائزہ لے گی۔
دوسری طرف حکومت نے پارلیمنٹ کا مشترکہ اجلاس کل بلانے کا فیصلہ کیا ہے اور اپنی جماعت کے ارکان کو حاضری یقینی بنانے کی ہدایت کی ہے۔
