آپ آف لائن ہیں
جمعہ16؍ذی الحج 1441ھ7؍اگست2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

افغانستان میں قیام امن کے لئے پاکستان کی کوششیں قابل تعریف ہیں، چینی سفیر


چین نے افغانستان میں قیام امن کے لئے پاکستان کی کوششوں کو سراہتے ہوئے کہا ہے کہ پاکستان، افغانستان میں قیام امن اور استحکام  کے لئے سرتوڑ کوششیں کررہا ہے۔

جیو نیوز کے پروگرام ’جرگہ‘ میں میزبان سلیم صافی سے گفتگو کرتے ہوئے پاکستان میں چین کے سفیر یاؤجنگ، جو اس سے قبل افغانستان میں چین کے سفیر رہ چکے ہیں، نے کہا کہ پاکستان علاقائی رابطوں اور معاشی سرگرمیوں کا مرکز بننے کی صلاحیت رکھتا ہے۔

انہوں نے کہا کہ افغانستان میں خدمات سرانجام دینے کی وجہ سے وہ افغان لیڈرز کی سوچ سے بخوبی واقف ہیں اور افغان لیڈرز بھی علاقائی رابطوں کو یقینی بنانے کے لئے موٹروے کے ساتھ ساتھ پاکستان کے ساتھ ریلوے لنک میں بھی دلچسپی رکھتے ہیں۔ 

چینی سفیر نے کہا کہ پاکستان تجارت اور علاقائی رابطوں کا مرکز بننے کی بھرپور صلاحیت رکھتا ہے اور چین کی خواہش ہے کہ اس کی اس صلاحیت کو عملی شکل دینے کے لئے گوادر سے قندھار اور قندھار کے راستے وسط ایشیا تک ریلوے لائن بنے جو تجارت اور علاقائی رابطوں کا اہم ذریعہ ہوگا۔

چینی سفیر کا یہ خصوصی انٹرویو پیر کو رات 10 بج کر 5 منٹ پر پروگرام ’جرگہ‘ میں نشر ہوگا۔

قومی خبریں سے مزید