آپ آف لائن ہیں
بدھ12؍ صفر المظفّر 1442ھ30؍ستمبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

لاہور: بارش کا پانی جمع کرنے کیلئے واٹر ٹینک منصوبہ مکمل



لاہور میں بارش کا پانی جمع کرنے کے لیے لارنس روڈ پر بڑا واٹرٹینک منصوبہ پایہ تکمیل تک پہنچ گیا جس پر 15 کروڑ روپے لاگت آئی ہے۔

لارنس روڈ پر قائم واٹر ٹینک منصوبے کا رقبہ 14 ہزار مربع فٹ اور گہرائی 15 فٹ ہے اور اس میں بارشوں کا 14 لاکھ گیلن کا پانی ذخیرہ کرنے کی گنجائش ہے۔

ایل ڈی اے کی گورننگ باڈی بسم اللّٰہ پارک تاج پورہ اور بیرون شیرانوالہ گیٹ پر دو واٹر ٹینک بنانے کی منظوری دیدی ہے۔

تاج پورہ میں ٹینک میں 12 لاکھ گیلن اور شیرانوالہ گیٹ ٹینک میں 15 لاکھ گیلن پانی ذخیرہ ہوسکے گا۔

ایل ڈی اے کے مطابق شہر میں مزید آٹھ مقامات پر ایسے منصوبے مکمل کیے جائیں گے۔

گورننگ باڈی نے فضائی آلودگی پر قابو پانے کے لیے 24 مقامات پر بڑی تعداد میں گھنے درخت لگانے کی منظوری بھی دی۔ اس مقصد کے لیے 15 کروڑ روپے مختص کیے جائیں گے۔

قومی خبریں سے مزید