• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

میر شکیل الرحمٰن کیخلاف کیس بہت کمزور ہے، فواد چوہدری

تازہ ترین
قومی خبریں
07 اگست ، 2020


وفاقی وزیر سائنس اینڈ ٹیکنالوجی فواد چوہدری نے کہا ہے کہ ایڈیٹر انچیف جنگ اور جیو گروپ میر شکیل الرحمٰن کے خلاف بنایا گیا کیس بہت کمزور ہے۔

ٹی وی پروگرام کے میزبان محمد مالک سے گفتگو میں فواد چوہدری نے کہا کہ میر شکیل الرحمٰن کے خلاف بنایا گیا کیس انہوں نے ذاتی طور پر دیکھا ہے یہ کیس بہت کمزور ہے۔

انہوں نے کہا کہ کیس میں اگر 15 کروڑ کا مسئلہ ہے تو 15 کروڑ کی سیکیورٹی لے کر ضمانت دے دیں۔

میر شکیل الرحمٰن کی رہائی کیلئے مختلف شہروں میں احتجاج

راولپنڈی میں جنگ بلڈنگ کے باہر آزادی گلی میں صحافیوں اور سول سوسائٹی کے افراد نے احتجاج کیا۔

وفاقی وزیر نے مزید کہا کہ جنگ جیسے ادارے ایک دن میں نہیں بنتے ہیں، اگر کوئی اختلاف ہے بھی تو ان سے بات چیت کریں۔

ان کا کہنا تھا کہ ڈان اور جنگ 70،70 سال سے زائد پرانے ادارے ہیں، ملکوں کو اداروں کی ضرورت ہوتی ہے۔

فواد چوہدری نے یہ بھی کہا کہ اگر اختلاف ہے تب بھی آپ اداروں کو تباہ نہیں کرتے، جب تک وزیراطلاعات رہا سینسرشپ نہیں ہونے دی۔

انہوں نے کہا کہ اپنا موقف رکھنا الگ بات ہے لیکن آپ سینسرشپ نہیں کرسکتے، میرے خیال میں اس کیس کی نوعیت بالکل علیحدہ ہے۔

تازہ ترین