نیب کی بزدار سے تحقیقات کی اندرونی کہانی

وزیراعلیٰ پنجاب عثمان بزدار سے قومی احتساب بیورو (نیب) کی تحقیقات کی اندرونی کہانی سامنے آگئی۔

ذرائع کے مطابق نیب نے وزیرِ اعلیٰ پنجاب عثمان بزدار سے شراب کے لائسنس سمیت اثاثوں کی تفصیلات مانگ لیں۔

عثمان بزدار نیب کے سامنے پیش

وزیرِ اعلیٰ پنجاب سردار عثمان بزدار لاہور میں قومی احتساب بیورو (نیب) کے سامنے پیش ہو گئے۔

عثمان بزدار سے جنوبی پنجاب میں مختلف ناموں سےجائیداد خریدنےکا سوال کیا گیا، نیب نے اثاثہ جات کا پرفارما وزیرِ اعلیٰ پنجاب کو دے دیا۔

ذرائع کا کہنا ہے کہ وزیرِ اعلیٰ پنجاب سردار عثمان بزدار سے رشتے داروں کے نام پر جائیدادیں بنانے کے الزام میں پوچھ گچھ کی گئی ہے۔

یہ بھی پڑھیئے: وزیراعلی پنجاب عثمان بزدار نیب میں طلب

ذرائع کا مزید کہنا ہے کہ وزیرِ اعلیٰ اور ان کے اہلِ خانہ نے کتنی جائیدادیں خریدیں یا لیز پر لیں اس بات کا ریکارڈ ان سے طلب کیا گیا ہے۔

ذرائع نے یہ بھی بتایا ہے کہ وزیرِ اعلیٰ پنجاب عثمان بزدار نے ان سوالات پر نیب سے وقت مانگ لیا ہے۔