آپ آف لائن ہیں
پیر10؍صفر المظفّر 1442ھ 28؍ستمبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

پاکستان کا برطانیہ سے بانی متحدہ، محمد انور اور افتخار حسین کی حوالگی کا مطالبہ


پاکستان نے بانی ایم کیو ایم الطاف حسین، محمد انور اور افتخار حسین کی حوالگی کے لیے برطانیہ کو خط لکھ دیا۔

اینٹی ٹیرر ازم کورٹ نے فیصلہ آنے کے دو ماہ بعد مجرموں کے حوالے سے باضابطہ درخواست کردی۔

عدالت نے محسن علی سید، معظم علی اور مطلوب افراد کو عمر قید کی سزا سنائی تھی، عدالت نے بانی متحدہ کو اشتہاری قرار دیا تھا۔

برطانیہ کو لکھے گئے خط میں کہا گیا کہ پاکستان کے تعاون کے سبب قاتلوں کو سزائیں ہوئیں اب برطانیہ تعاون کرتے ہوئے ملزمان کو کیفرکردار تک پہنچائے۔

خط کے متن میں کہا گیا کہ برطانیہ مطلوب ملزمان کو گرفتار کر کے پاکستان کے حوالے کرے۔

پاکستان کے خط میں تجویز دی گئی ہے کہ ملزمان کو کیفرکردار تک پہنچانے کا سلسلہ مستقبل میں بھی جاری رہنا چاہیے۔

بانی متحدہ، محمد انور اور افتخار حسین نے قتل میں ملوث ہونے کے حوالے سے تردید کی ہے۔

قومی خبریں سے مزید