آپ آف لائن ہیں
اتوار9؍صفر المظفّر 1442ھ 27؍ستمبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

مضبوط ،مستحکم پاکستان کشمیر اور فلسطین کی آزادی کیلئے ضروری ہے، سراج الحق

سراج الحق کا پرچم کشائی کی  تقریب سے خطاب


جماعت اسلامی کے امیر سینیٹر سراج الحق کا کہنا ہے کہ مضبوط اور مستحکم پاکستان کشمیر اور فلسطین کی آزادی کیلئے ضروری ہے، پاکستان کو ایک اسلامی اور فلاحی مملکت بنانے کیلئے کسی قربانی سے دریغ نہیں کریں گے۔

امیر جماعت اسلامی سینیٹر سراج الحق نے منصورہ لاہور میں پرچم کشائی کی اور تقریب سے خطاب کیا ۔

ان کا کہنا تھا کہ پاکستان اللہ کی عظیم نعمت ہے، یہ ایک جغرافیہ ہی نہیں بلکہ ایک نظریہ اور عقیدہ بھی ہے، پاکستان کے قیام کیلئے لاکھوں مسلمانوں نے جانوں کے نذرانے پیش کئے، یہی وجہ ہے کہ پاکستان عالم اسلام کا دھڑکتا دل اور دنیا بھر کے مسلمانوں کی امیدوں کا مرکز ہے۔

انہوں نے کہا کہ آج کے دن ہم عزم کرتے ہیں کہ زندگی کی آخری سانس اور خون کے آخری قطرے تک پاکستان کی حفاظت کریں گے ۔

قومی خبریں سے مزید