سکینہ سمو صبا قمر کے حق میں بول پڑیں

پاکستانی لیجنڈری اداکارہ سکینہ سمو نے پاکستانی اداکارہ صبا قمر کے حق میں آواز اٹھا دی ہے ۔

پاکستانی گلوکار بلال سعید اور اداکارہ  صبا قمر نئے گانے ’قبول‘ کی شوٹنگ کے دوران تاریخی مسجد میں ڈانس کرنے پر تنازع کا شکار ہو گئے تھے ، مسجد میں ڈانس ویڈیو وائرل ہونے کے بعد دونوں فنکاروں کے خلاف قانونی کارروائی کرتے ہوئے اُن پر مقدمہ درج کر لیا گیا ہے ۔

مسجد میں رقص کا معاملہ، صبا قمر کے خلاف مقدمہ درج

لاہور کی تاریخی مسجد وزیر خان میں مبینہ رقص کے معاملے میں اداکارہ صبا قمر کے خلاف مقدمہ درج کرلیا گیا

اداکارہ صبا قمر کے خلاف مقدمہ دفعہ 295 کے تحت درج کیا گیا ہے جبکہ مقدمے میں بلال سعید کو بھی نامزد کیا گیا ہے، ایف آئی آر میں کہا گیا ہے کہ اداکارہ صبا قمر اور بلال سعید نے مسجد کا تقدس پامال کیا لہٰذا ان دونوں کے خلاف کارروائی کی جائے  گی۔

اسی سلسلے میں پاکستان شوبز انڈسٹری کی اداکارہ ، ہدایتکارہ اور پروڈیوسر سکینہ سمو نے فوٹو، ویڈیو شیئرنگ ایپلیکیشن پر ایک صبا قمر کے حق میں ایک پوسٹ شیئر کی ہے جس میں انہوں نے پاکستان کے دیگر فنکاروں سے بھی اداکارہ صبا قمر کا ساتھ دینے کا کہا ہے ۔

بلال اور صبا مسجد میں فوٹو شوٹ کرنے والا پہلا جوڑا تھا؟

لاہور کی تاریخی مسجد وزیر خان میں پاکستانی گلوکار بلال سعید اور اداکارہ و ہدایتکار صبا قمر کے مبینہ رقص کے معاملے پرانٹر نیٹ صارفین دو حصوں میں بٹ گئے ہیں

سکینہ سمو نے اپنی پوسٹ میں صبا قمر کے ساتھ اظہار یکجہتی کرتے ہوئے لکھا ہے کہ ’ بڑے افسوس کے ساتھ کہہ ہوں کہ یہ سراسر غلط ہے، صبا قمر ایک اچھی اداکارہ اور رحم دل انسان ہے، وہ اپنی دنیا میں خوش ہے اور آج تک صبا نے کبھی کسی کے ساتھ برا نہیں کیا ہے۔‘

سکینہ سمو نے مزید لکھا کہ ’ وہ سمجھتی ہیں کہ صبا قمر کے ساتھ یہ سراسر نا انصافی ہے اور صبا پر مقدمہ کرنا اُن کی صلاحیتوں کی توہین ہے، چیزوں کو بہت بڑھاوا دیا گیا ہے۔‘

انہوں نے کہا کہ ’وہ صبا کے اچھے ارادوں پر بھروسہ کرتی ہیں اسی لیے وہ صبا کی حمایت کرتی ہیں،‘ سکینہ نے اپنی پوسٹ میں دیگر فنکاروں سے مطالبہ کرتے ہوئے لکھا ہے کہ ’فنکار برادری کو صبا قمر کے ساتھ کھڑا ہونا چاہیے، اگر ہم آج صبا کے لیے آواز نہیں اٹھائیں گے تو یہ سب کل کسی اور کے ساتھ بھی ہو سکتا ہے۔‘

سکینہ سمو کی جانب سے اپنی پوسٹ کے آخر میں فنکار برادری اس معاملے سے متعلق خبردار رہنے کے لیے بھی کہا گیا۔