فرمان الہی
نماز کے اوقات
کراچی میں جمعرات کی بارش کے بعد جانے والی بجلی کلفٹن اور ڈیفنس کےکئی علاقوں میں اب تک بحال نہ ہو سکی، 5 روز سے بجلی کی بندش کےخلاف کلفٹن بلاک 4 اور8 میں شہریوں نے احتجاج کیا۔
ڈیفنس 26 اسٹریٹ ،کھارادر ،سرجانی ٹاؤن اور ڈیفنس فیز 6 کے متعدد علاقوں میں 5 روز سے بجلی کی فراہمی معطل ہے ، 4 روز بعد کلفٹن تین تلوار اور فریئر ٹاؤن کی بجلی گزشتہ رات بحال کی گئی ہے۔
ترجمان کے الیکٹرک کا کہنا ہے کہ بخاری کمرشل، اتحاد کمرشل، خیابان شہباز اور 26 اسٹریٹ میں پانی موجود ہے جس کے باعث 5فیڈرز پر ابتک بجلی بحالی نہیں ہوسکی ہے۔
یہ بھی پڑھیے:بجلی کی عدم فراہمی پر تین تلوار پر مظاہرہ
گزشتہ شب کلفٹن بلاک 4 اور 8 میں بجلی کی مسلسل بندش کیخلاف شہریوں نے احتجاج کیا، مظاہرین نے کے الیکٹرک اور کلفٹن کنٹونمنٹ کیخلاف نعرے لگائے اور ٹائر جلا کر شاہراہ کو ٹریفک کیلئے بند کر دیا تاہم کچھ دیر بعد احتجاج ختم کر دیا گیا ۔
