خوشاب: پاک فوج سیلاب متاثرہ علاقوں میں ریسکیو آپریشن کیلئے پہنچ گئی، آئی ایس پی آر

پاک فوج کے شعبہ تعلقات عامہ آئی ایس پی آر کا کہنا ہے کہ پاک فوج کے اہلکار خوشاب کے سیلاب متاثرہ علاقوں میں ریسکیو آپریشن کیلئے پہنچ گئے۔

آئی ایس پی آر کے مطابق حالیہ بارشوں سے ضلع خوشاب کے 10 سے زائد گاؤں متاثر ہوئے ہیں، منگلا کور کے دستے امدادی سرگرمیوں میں مصروف ہیں۔

سرگودھا، خوشاب: طوفانی بارشوں سے مکان و فصلوں کو نقصان

سرگودھا اور خوشاب میں طوفانی بارشوں نے انسانی جانوں کیساتھ ساتھ مکانات اور فصلوں کو بھی بری طرح نقصان پہنچایا ہے، برساتی نالوں میں طغیانی کے باعث متعدد رابطہ سڑکیں بھی بند ہوگئی ہیں۔

آئی ایس پی آر کا کہنا ہے کہ پاک فوج کے جوان سول انتظامیہ کی مدد کے لیے پہنچے ہیں، فوجی دستے ڈھوکری، بھولا، خالق آباد، واہیر، ہڈالی میں سیلاب متاثرین کی امداد میں مصروف ہیں۔